Sa tuwina'y naaalala ka

Sa pangarap, laging kasama ka
Ikaw ang alaala sa aking pag-iisa
Wala nang iibigin pang iba.

:)

Ngayon, kapiling kita. Oo, maraming nawala, maraming nagbago sa mundo ko, at bigla-biglaan lang nangyari ang lahat parang isang malamig na pagligo. Pero dahil ikaw yung kapalit ng mga pagbabagong iyon, sobra sobra pa ang swerte ko. :)

Pero hindi ko alam kung bakit. Lagi kang napapadpad sa isip ko. :)

Pagpasensyahan mo sana kung hindi ko kayang magseryoso kung minsan. Hindi naman ikaw yung tipong niloloko, at hindi naman ako yung tipong nagseseryoso... Pero para sa'yo, ako ay magbabago. :D

Medyo malakas topak ko ngayon. Pero basta, masaya ako, at oo, dahil sa'yo :D

Siguro, isang bagay nalang yung iniisip ng makulit kong pag-iisip. Iyon ang pagkakaiba ng mga paniniwala natin. Ako yung tipong gustong maabot ang mga pangarap, gusto ng magandang buhay, at ikaw naman ang lalaking nakatingin sa abot-tanaw, hindi na naghihirap pa, hindi tumitingala sa himpapawid na kayang kaya mo namang abutin. Pero walang tama, at walang mali sa mga paniniwala natin. Sadyang magkaiba lang talaga. Tanggap ko naman ito, pero inaalala ko lang na baka sa dulo, dito tayo magtalo.

Hindi na kita hihikayatin, alam kong praktikal ang mga dahilan mo para sa sarili mong mga kagustuhan sa buhay. At hindi rin kita tinutulak para abutin ang magbibigay lamang sa'yo ng pagod at hirap. Pero sana'y mapatawad mo ako, kasi natural lang para sakin na mag-alala tungkol sa ganito. :)

Ang bilis ng pangyayari talaga. Dati, linoloko mo pa ako tungkol sa hinaharap. Ngayon, iniisip ko na rin siya. :D

Sige, dahan-dahanin nalang natin yung paglalakad natin dito. Ayokong magmadali. Susuportahan kita, at sana bigyan mo rin ng tiwala ang sarili mo. Kung gusto mo ang BEST para sa akin, gusto ko rin ito para sa iyo. Sana wag mong masamain :) Ikaw lang naman kasi iniisip ko eh :P